நெளி1 neḷidal, 2செ.கு.வி.(v.i.)
1. புழு, பாம்பு முதலியவை வளைந்து நகர்தல்; to crawl.
நெளிந்து நெளிந்து பாம்பு சென்றது. கத்திரிக்காயில் புழு நெளிந்தது.
2. சுருளுதல்; to bend, roll in.
“நெளிதிரைக் கடலுலகெலாம்” (சீகாளத்.பு. நக்கீ.43);.
அவனுக்கு நெளி மயிர்
3. குழிதல்; to be hollow.
“நிலனெளி மருங்கி னிர்நிலை பெருகத் தட்டோர்” (புறநா.18);.
4. வெட்கத்தால் நேராக நிற்காமல் உடல் வளைதல்; to wriggle, writhe.
“சேட னெளிதரப் பெயர்வர்” (கந்தபு. கயமுகனுற்.46);.
உடலை நெளித்து நெளித்து நடக்கின்றான்.
விடை சொல்லத் தெரியாமல் நெளிகிறான்.
அவன் பொறுமை யிழந்து நெளிகிறான்.
5. வருந்துதல்; to suffer.
“பொய்யாச் செந்நா
நெளிய வேத்திப் பாடுப” (புறநா.168);.
6. குலைதல்; to be put into confusion, to be routed.
“அனைய படைநெளிய” (கம்பரா. மூலபல .159);.
7. அதுங்குதல்; to be dented, bent out of shape, as vessels.
8. மிகுதியாதல்; to swarm, abound, as children.
அவனுக்குக் குழந்தைகள் மிகுதியாக நெளிந்து கொண்டிருக்கின்றன.
9. ஏனம் முதலியவை அடிபட்டுப் பள்ளமாதல்; get dented, buckle.
குடம் கீழே விழுந்து நெளிந்து விட்டது.
10. புரளுதல்; to roll over to tumble over.
“நெளிய ராக்குருளை” (திருவிளை.இந்திரன் பழிதீ,73);.
[நுள்(வளைவு); → நெள் → நெளி = வளைவு (முதா.); நெளி → நெளிதல்.]
நெளி2 neḷittal, 4.செ.குன்றாவி.(v.t.)
1. வளைத்தல்; to cause to bend, to be inclined, to be crumpled, to twist.
உடம்பை எத்தனை நெளி நெளிக்கிறான்.
2. கோணுதல்; to wriggle or distort the body in walking, commonly in affectation.
சாலை நெளிந்து செல்லுகிறது.
உடலை நெளித்து நெளித்து ஆடிய பாம்பு நடனம் அருமை.
3. அசைத்தல்; to shake
“தண்டொன்று… நெளிப்பது” (கம்பரா.பிரமாத்.113);.
4. வேலையைக் குழப்புதல்; to shirk work.
5. ஏனம் முதலியவற்றில் நெளிவு ஏற்படுத்துதல்; cause a dent.
குடத்தின் வாய்ப் பகுதியைத் தட்டி நெளித்து விட்டாள்.
[நெளி1 → நெளி2]
நெளி3 neḷittal, 4.செ.குன்றாவி.(v.t.)
செருக்குறுதல் (வின்.);; to make affected gestures in pride or contempt, to be insolent.
நெளி4 neḷi, பெ. (n.)
வளைந்த விரலணி வகை; a kind of ring, as having a peculiar curve.
“அலங்கார நெளியிட்ட கையைக்காட்டாய்” (குற்றா.குற.66:2);. நெளி கணையாழி (மோதிரம்); அணிந்தவள்.
[நுள் → நெள் → நெளி = வளைவு, வளைந்த அணி (மு.தா.);]