நிலையிற்று என்றலும், நிலையாதுஎன்றலும்

நிறுத்த சொல்லும் குறித்துவரு கிளவியுமாய் வருதல் நிலை யிற்றுஎன்றலாம்.எ-டு : சாத்தன் வந்தான், வந்தான் சாத்தன் (நிறுத்த சொல்லைமுடித்தலைக் குறித்து வரும் சொல் ‘குறித்துவரு கிளவி’எனப்படும்.)பதினாயிரத் தொன்று, ஆயிரத் தொருபஃது, பதினாயிரத் தொருபஃது எனநிலைமொழி அடையடுத்தும் வருமொழி அடையடுத்தும் இருமொழியும் அடையடுத்தும்வந்தவாறு.முன்றில், மீகண் – இவை இலக்கணத்தொடு பொருந்திய மரூஉ.சோணாடு, பாண்டிநாடு – இவை இலக்கணத்தொடு பொருந்தா மரூஉ .இனி, நிறுத்த சொல்லும் குறித்து வரு கிளவியுமாய்ப் பொருளியைபுஇன்றி வருதல் நிலையாது என்றலாம்.எ-டு :‘கருங்கால் ஓமைக் காண்பின் பெருஞ்சினை’ (அகநா. 3:2)‘இரும்புதிரித் தன்ன மாயிரு மருப்பிற்பரலவல் அடைய இரலை தெறிப்ப (அகநா. 4 : 34)‘தெய்வ மால்வரைத் திருமுனி அருளால்’ (சிலப். 3 : 1)இவ்வடிகளில் முறையே ஓமைச்சினை – மருப்பின் இரலை – தெய்வ வரை – எனஒட்டி ஓமையினது சினை – மருப்பினை யுடைய இரலை – தெய்வத்தன்மையையுடையவரை – எனப் பொருள் தருகின்றவை, முறையே காண்பு – பரல் – மால்என்பவற்றோடு ஒட்டினாற் போல ஒட்டி மிக்கும் திரிந்தும் கெட்டும்நிறுத்த சொல்லும் குறித்து வரு கிளவியுமாய்ப் பொருளியைபின்றி வருதல்காண்க. (இ. வி. எழுத். 53 உரை)