தொடரெழுத் தொருமொழி வரையறை

ஒருசொல் பகாப்பதமாயின் ஏழெழுத்தின்காறும், பகுபத மாயின் ஒன்பதுஎழுத்தின்காறும் அமைதல் கூடும்.எ-டு : அணி, அறம், அகலம், அருப்பம், தருப்பணம், உத்தரட்டாதி -பகாப்பதம் ஈரெழுத்து முதல் ஏழ் எழுத்தின்காறும் உயர்ந்தது.கூனி, கூனன், குழையன், பொருப்பன், அம்பலவன், அரங்கத் தான்,உத்தராடத்தான், உத்தரட்டாதியான் – பகுபதம் ஈரெழுத்து முதல் ஒன்பதுஎழுத்தின்காறும் உயர்ந்தது.நடத்துவிப்பிக்கின்றான், எழுந்திருக்கின்றனன் – என்பன போலப் பகுதிமுதலிய உறுப்புக்கள் வேறுபட்டு வருவன வற்றிற்கு இவ்வரையறை இல்லை.(நன். 130)