தலையூர்

நம்பியாண்டார் நம்பியால் சுட்டப்படும் இவ்வூர். சோழ நாட்டு ஊர் என்பது தெரிய வருகிறது. உருத்திர பசுபதி நாயனார் புராணத்தில், நாயனாரின் தோற்றம் பற்றிக் குறிப்பிடும் நிலையில் அவர் பிறந்த ஊரினை,
நிலத்தின் ஓங்கிய நிவந்தெழும் பெரும் புனல் நீத்தம்
மலர்த் தடம்பணை வயல்புகு பொன்னி நன்னாட்டுக்
குலத்தின் ஓங்கிய குறைவிலா நிறைகுடி குழுமித்
தலத்தின் மேம்படு நலத்தது பெருத்திருத்தலையூர் (1)
எனப் பாடுகின்றார். இப்பாடலில் இறுதி வரி, ஊரின் தலை சிறந்த நிலைப்பற்றி அதன் காரணமாகப் பெயரும் அமைந்திருக்குமோ என்ற உணர்வினைத் தருகிறது. பிற எண்ணங்கள் தெளிவில்லை.