செவிப்புலனாம் எழுத்துக்கள், ‘தனித்துவரல் மரபின’ எனவும்,‘சார்ந்து வரல் மரபின’ எனவும் இருவகைய. தனித்துவரல் மரபின, உயிரும்மெய்யும் என இருவகைய, அவற்றுள் உயிர் குறிலும் நெடிலும் எனஇருவகைப்படும். மெய் வளிநிலையும் ஒலிநிலையும் என இருவகைப்படும். வலிமெலி இடை- என்ற மூவின மெய்களும் வளிநிலைப்பாற்படுவன; புள்ளியொற் றும்உயிர்மெய்யும் ஒலிநிலைப்பாற்படுவன. இனிச் சார்ந்து வரல் மரபின,குற்றியலிகரமும் குற்றியலுகரமும் ஆய்தமும் என மூன்றாம்.(தொ.எ..பக். XL ச.பால.)