எழுத்துக்களது மொழியாக்கம்

மொழியாக்கமாவது எழுத்தினான் சொல்லை ஆக்கிக் கொள்ளுதலாம். அஃதாவது
உயிரெழுத்தோ மெய்யோடு உயிர் கூடுவதனாலாகிய உயிர்மெய் எழுத்தோ, தனித்தோ
இரண்டெழுத்துக்கள் இணைந்தோ, இரண்டற்கு மேற்பட்ட எழுத்துக்கள்
தொடர்ந்தோ, தம்மை உணர்த்துவதனொடு நில்லாமல் பிறபொருளையும் சுட்டும்
நிலையில் அமைவதாம்.
எ-டு : ஆ,கா – ஓரெழுத்தொருமொழி; ஆல் – ஈரெழுத் தொருமொழி; நிலவு
– மூவெழுத்தொருமொழி; உத்தரட்டாதியான் – ஒன்பதெழுத்தொரு மொழி;
ஒன்பதனுக்கு மேற்பட்ட எழுத்துக்களைக் கொண்ட தனி மொழி தமிழில்
இல்லை. (தொ. எ. 45 நச்.) (தொ. எ. 1 நச். உரை)