எல்லா மொழிக்கும் இறுதியும் முதலும் மெய்யும் உயிரும் ஆதல்

மொழிமரபில் மொழிக்கு முதலாய் வருவனஉயிர் உயிர்மெய் குற்றியலுகரம்
எனவும், மொழிக்கு இறுதியில் வருவன உயிர் மெய் உயிர்மெய் குற்றியலுகரம்
எனவும் கூறப்பட்டன. மொழி முதற் குற்றியலுகரமும், மொழிமுதல்
உயிர்மெய்யும் மெய் யாகவே கொள்ளப்படும். மொழியிறுதி உயிர்மெய் உயிருள்
அடங்கும். எனவே மொழிக்கு இறுதியும் முதலும் மெய் உயிர் என்ற இரண்டுள்
அடக்கப்பட்டன. (தொ. எ. 103 நச்.)