எருபுணருமாறு

எரு என்ற பெயர் நிலைமொழியாய் வருமொழி வன்கணத் தொடு புணருமிடத்து,
வல்லெழுத்தும் இனமான மெல் லெழுத்தும் மிகும். உயிர் நீங்கலாக ஏனைய
கணத்தொடு புணருமிடத்து அம்முச் சாரியை இடையே வருதலுமுண்டு.
எ-டு : எருக்குழி, எருங்குழி – வல்லெழுத்தும் மெல்லெழுத் தும்
முறையே மிக்கன. எருவங்குழி, எருவஞாற்சி, எருவயாப்பு – அம்முச் சாரியை
பெற்றன. எரு + ஈட்டம் = எரு வீட்டம் – என இயல்பாக உடம்படு மெய்
பெற்றுப் புணர்ந்தது. (தொ. எ. 260 நச். உரை)
உருபேற்குமிடத்து இன்சாரியை பெற்று எருவினை முதலாக
(தொ.எ. 173) வருவது போலப் பொருட்புணர்ச்சிக்கண்ணும் எருவின்
குறுமை எனச் சிறுபான்மை இன்சாரியை பெறுத லும் கொள்க. (தொ. எ. 260 நச்.
உரை)