உருபு ஏற்கும்போது இடைஒற்று இரட்டித்து உருபு ஏற்பன

டு று என்பனவற்றை ஈறாகவுடைய ஈரெழுத்தொருமொழிக் குற்றியலுகர ஈற்றுச்
சொற்களும், சிறுபான்மை உயிர்த் தொடர்க் குற்றியலுகர ஈற்றுச் சொற்களும்
இடையே ஒற்று மிக்கு இன்சாரியை பெறாமல் உருபேற்கும். பிற்காலத்தே
இன்சாரியை பெறும் மரபும் ஏற்பட்டது.
எ-டு : யாடு + ஐ = யாட்டை., யாட்டினை; பாறு + ஐ = பாற்றை,
பாற்றினை; குருடு + ஐ = குருட்டை, குருட்டினை; முயிறு + ஐ = முயிற்றை,
முயிற்றினை
(தொ. எ. 196, 197 நச். உரை)