உருபுபுணரியலில் திசைப்பெயர்ப் புணர்ச்சி

உருபுபுணரியலில், திசைப்பெயர்கள் இன்சாரியை பெற்றும் பெறாமலும்,
ஐகாரம் பெற்றும், பலவாக விகாரப்பட்டும் புணரும்.
எ-டு : அ) வடக்கின்கண், வடக்கண்;தெற்கின்கண், தெற்கண்;
குணக்கின்கண், குணக்கண்; குடக்கின்கண், குடக்கண்; கிழக்கின்கண்,
கிழக்கண்; மேற்கின்கண், மேற்கண் – இவை இன்சாரியை பெற்றும் பெறாமலும்
உரு பொடு புணர்ந்தன.
ஆ) கிழக்கின்கண் – கீழை; மேற்கின்கண் – மேலை; – இவை ஐகாரச்சாரியை
பெற்றன.
இ) கீழ்சார், கீழ்புடை; மேல்சார், மேல்புடை; தென்சார், தென்புடை;
வடசார், வடபுடை – இவை சாரியை இன்றிப் பல விகாரப்பட்டு உருபொடு
புணர்ந்தன.(தொ. எ. 201 நச். உரை)