ஆயிரம் அத்துப் பெறுதல்

ஆயிரம் தன்னைவிடக் குறைந்த அளவிற்றாகிய எண்ணுப் பெயர் தன்முன்
வருமிடத்தே, வழக்கமாகிய ஏ என்னும் சாரியை பெறாது, அத்துச்சாரியை
பெற்றுப் புணரும். சிறுபான்மை மகரம் கெட்டு வல்லெழுத்து
மிகுதலுமுண்டு.
வருமாறு : ஆயிரம் + ஒன்று
> ஆயிரம் + அத்து + ஒன்று =
ஆயிரத்தொன்று; ஆயிரம் + பத்து
> ஆயிரம் + அத்து + பத்து =
ஆயிரத்துப்பத்து; ஆயிரம் + பத்து
> ஆயிர + பத்து = ஆயிரப்பத்து
(தொ. எ. 317 நச்).