ஈற்றிலுள்ள சீர் மண்டலித்து ஏனைய அடிகளிலும் பொருந்தி வரும்ஆசிரியவிருத்தம்.எ-டு : ‘செங்கயலும் கருவிளையும் செருவேலும் பொருகணையும்செயிர்க்கும் நாட்டம்;பங்கயமும் இலவலரும் பனிமுருக்கும் பவழமுமே பழிக்கும்செவ்வாய்;பொங்கரவின் இரும்படமும் புனைதேரும் பொலிவழிக்கும் புடைவீங்கல்குல்;கொங்கிவரும் கருங்கூந்தல் கொடியிடையாள் வனமுலையும் கூற்றம்கூற்றம்.இப்பாடலுள், ‘கூற்றம்’ என்ற சொல் மண்டலித்து நாட்டம் கூற்றம்,செவ்வாய் கூற்றம், அல்குல் கூற்றம் என வருதலின், இஃது ஆசிரிய மண்டிலவிருத்தம். இஃது அடிமறிமண்டில ஆசிரியப்பாவின் இனம். (யா. க. 77உரை)