கழிநெடிலடி நான்காய்ப் பெரும்பான்மையும் ஒரே விகற்ப மாய் அளவொத்துவருவது ஆசிரிய நிலைவிருத்தமாம்.‘துனைவருநீர் துடைப்பவளாய்த் துவள்கின்றேன் துணைவிழிசேர் துயிலைநீக்கிஇனவளைபோ லின்னலஞ்சோர்ந் திடருழப்பல் இகந்தவர்நாட் டில்லைபோலும்தனியவர்கள் தளர்வெய்தத் தடங்கமலந் தளையவிழ்க்குந் தருணவேனிற்பனிமலரின் பசுந்தாது பைம்பொழிலிற் பரப்பி வரும் பருவத்தென்றல்.’இஃது அறுசீர்க் கழிநெடிலடி ஆசிரிய விருத்தம்.இதனை நிலைமண்டில ஆசிரியப்பாவின் இனம் என்ப.(வீ. சோ. 122 உரை)அடிமறியாய் வருவனவற்றை ஆசிரிய மண்டிலவிருத்தம் எனவும்,அடிமறியாகாது வருவனவற்றை ஆசிரிய நிலை விருத்தம் எனவும் வழங்குபஒருசார் ஆசிரியர்.(யா.வி. 77 உரை)எ-டு : ‘விடஞ்சூ ழரவின் இடைநுடங்க விறல்வாள் வீசி விரையார்வேங்கடஞ்சூழ் நாடன் காளிங்கன் கதிர்வேல் பாடு மாதங்கிவடஞ்சேர் கொங்கை மலைதாந்தாம் வடிக்கண் நீல மலர்தாந்தாம்தடந்தோ ளிரண்டும் வேய்தாந்தாம் என்னும் தன்கைத்தண்ணுமையே’இஃது அறுசீர்ச் சிறப்புடைக் கழிநெடிலடியான் வந்த ஆசிரிய நிலைவிருத்தம். (யா. வி. பக். 286)