அகநிலை ஒத்தாழிசைத் தாழிசை

தரவைவிடத் தாழிசை சுருங்கி வருதல் பெரும்பான்மை. இதன்தாழிசைக்கு 2 அடி சிறுமை, 6 அடி பெருமை. சிறுபான்மை நான்கடித்தரவுக்கு நான்கடித்தாழிசை வருதலும் உண்டு.எ-டு : கலி 4. (தொ. செய். 134. நச். உரை)தாழிசை 4 அடியின் பெரும்பாலும் உயர வாரா; சிறு பான்மை ஐந்தடியானும்வரும். கலி. 137-இல் ஐந்தடித் தாழிசை வந்தது.கலி 68-இல் தரவு 5 அடி உடையது; முதல் தாழிசை 6 அடி உடையதாகவந்துள்ளது. தாழிசை தரவின் மிக்கு வருதலின் இது கொச்சகமாகும். (கலி.68 நச்.)தாழிசையை இடைநிலைப்பாட்டு என்றலின், பாட்டு ஓரடியான் வருதல்கூடாதாதலின், தாழிசை ஈரடியிற் குறைந்து வருதல் கூடாது. (தொ. செய்.134. பேரா.)