ஊர் பெயரகராதி

இன்று தஞ்சாவூர் மாவட்டத்தில் அமையும் ஊர். திருப்பந்துறை என்று வழங்கப்படுகிறது. சம்பந்தர் பாடல் பெற்ற இத்தலம் துறை காரணமாகப் பெருந்துறை பெயர் பெற்றது. கோயில் காரணமாகப் பெருந்துறை எனச்சுட்டப்பட்டிருக்கலாம். மேலும் பிற பெருந்துறை,யினின்றும் தனித்துச் சுட்ட, சம்பந்தர் பாடலடியான பேணு பெருந்துறை என்பதில் உள்ள பேணு’ என்ற அடையை இணைத்திருக்கலாம்.
பெம்மான் நல்கிய தொல்புகழாளர்
பேணு பெருந்துறையாரே (42-1)
அரிசில் நதிக்கரைப் பக்கத்து இது அமைந்திருந்த நிலை,
தழையார் மாவின் றாழ்கனி யுந்தித் தண்ணரிசில் புடை சூழ்ந்து
குழையார் சோலை மென்னடையன்னம் கூடும் பெருந் துறையாரே (திருஞான 42-7)
என்பதில் புலப்படுகிறது.

திருநாவுக்கரசர் சிவன் கோயில் தலமாகச் சுட்டும் ஊர் இது (285-4).

மேலைச் சிதம்பரம் என வழங்கப்படும் தலம் கோயம்புத்தூர் மாவட்டத்தில் உள்ளது. நொய்யலாறு இதன் அருகில் உள்ளது. திருநாவுக்கரசர் தம் தேவாரத்தில் (265-8) இதனைக் குறிப்பிடுகின்றார். பெரிய குடியிருப்புப் பகுதி என்ற நிலையில் இப்பெயர் அமைந்திருக்கலாம்.

இன்று ஓகைப் பேரையூர் என்றும், வங்காரப் பேரையூர் என்றும், தஞ்சாவூர் மாவட்டத்தில் அமைந்துள்ள ஊர் பெரிய எயில் என்ற பொருள் பொருத்தமாகலாம். அப்பர் இங்குள்ள இறையை,
அழைக்கு மன்பினராய வடியவர்
பிழைப்பு நீக்குவர் பேரெயிலாளரே (130-8)
போன்று புகழ்கின்றாரே தவிர, இப்பெயர் பற்றி எந்தக் குறிப்பையும் தரவில்லை.

சங்க கால ஊர்கள்

தேவாரத் திருத்தலங்கள்

இன்று தஞ்சாவூர் மாவட்டத்தில் சோவிலடி எனச் சுட்டப்படும் ஊர் இது. சங்ககாலம் தொட்டே பெரும்புகழ் பெற்று விளங்கும் இவ்வூரின் அன்றைய பெயரைப் பேர்ப்புறம் என சங்க இலக்கியங்களும் திருப்பேர்த் திருப்புறம் என சாசனங்களும் சுட்டுகின்றன. சோழன் செங்கணானுக்கும், சேரமான் கணைக்கால் இரும்பொறைக்கும் போர்மூண்ட களம் திருப்பேர்ப் புறம் எனத் தெரிகிறது. இவ்விடம் திருமால் கோயிலாலும், சிவன் கோயிலாலும் சிறப்பு பெற்றமையும் தெரிகிறது.
திருப்பேர்த் திருப்புறத் துறை மகாதேவர்
உடையார் திருப் புறத்துறைவார்
திருப்புறத் துறையும் கிவபெருமானடிகள்
என இங்குள்ள சிவன் பெருமை சுட்டப்படுகிறது. இக்கோயிலே சடைமுடி’ என அக்காலத்து வழங்கப்பெற்றது. திருநாவுக்கரசரின் திருத்தாண்டகப் பகுதி, சடைமுடியைக் குறிப்பிடுகிறது. சடை முடியாகிய சிவன் உறை கோயில் என்ற நிலையில் திருப்பேர் நகரில் உள்ள இக்கோயில் சுட்டப்பட்டு இருக்கலாம் எனத் தோன்றுகிறது. சடைமுடியெனச் இங்குள்ள திருமாலைப் பரவியவர்கள் பெரியாழ்வார் திருமங்கையாழ்வார், திருமழிசையாழ்வார், நம்மாழ்வார்.
வண்டறை பொழில் திருப்பேர் வரியணையில், பள்ளி
கொண்டுறைகின்ற மாலை என திருமங்கையாழ்வார் (நாலா -1437)
திருமாலைப் புகழ்கின்றார். பெரிய இடமாக, குடி யிருப்புத் தலமாக அமைந்த காரணத்தால், இப்பெயர் தோன்றி மிருக்கலாமா ? எனச் சிந்திக்கலாம்.