ஊர் பெயரகராதி

தேவாரத் திருத்தலங்கள்

சங்க கால ஊர்கள்

நில அமைப்பால்‌ பெயர்‌ பெற்ற ஊராக இருக்கலாம்‌. பெருங்‌ குன்றில்‌ அமைந்த ஊர்‌ பெருங்குன்றூர்‌ ஆயிற்று போலும்‌, கிழார்‌ என்னும்‌ சங்ககாலப்‌ புலவர்‌ இவ்வூரினர்‌. ஆகவே பெருங்குன்றூர்‌ கிழார்‌ எனப்‌ பெயர்‌ பெற்றிருத்தார்‌. பதிற்றுப்‌ பத்தில்‌ ஒன்பதாம்‌ பத்தையும்‌, குறுந்தொகையில்‌ 338. ஆம்‌ பாடலையும்‌, புறநானூற்றில்‌ 147, 210, 211, 26,318 ஆகிய பாடல்களும்‌ பாடிய கிழார்‌ என்னும்‌ புலவர்‌ இவ்வூரினராகிய பெருங்குன்றூர்‌ கிழாரே.

சங்க கால ஊர்கள்

தேவாரத் திருத்தலங்கள்

சேக்கிழார் ஏயர்கோன் நாயனார் வரலாற்றில்,
நீடு வண்புகழ்ச் சோழர் நீர் நாட்டிடை நிலவும்
மாடு பொன் கொழி காவிரி வடகரைக் கீழ்ப்பால்
ஆடு பூங்கொடி மாட நீடிய அணிநகர் தான்
பீடு தங்கிய திருபெருமங்கலப் பெயர்த்தால் (1)’
என அவரது பிறந்த நாடு பற்றி பேசுகின்றார். இப்பாடலினின்றும் இது சோழநாட்டு, காவிரியின் வடகரைத் தலம் என்பதும். அன்று மிகவும் செழிப்புடன் சிறந்த குடியிருப்புப் பகுதியாக விளங்கியது என்பதும் தெரிகிறது.

சங்க கால ஊர்கள்

மிழலை நாட்டு மிழலை வெண்ணி நாட்டு மிழலை எனத் திருநாட்டுத் தொகையுள், சுந்தரர் குறிப்பிடுகின்றார். பெரிய புராணத்தில்,
சூத நெருங்கு குலைத் தெங்கு பலவும் பூகந் சூழ்புடைத்தாய்
வீதி தோறும் நீற்றினொளி விரிய மேவி விளங்குபதி
நீதி வழுவா நெறியினராய் நிலவுங் குடியால் நெடு நிலத்து
மீது விளங்கும் தொன்மையது மிழலைநாட்டு பெரு மிழலை (29-1)
பெருமிழலைக் குறும்ப நாயனார் புராணத்தில் குறிப்பிடுகின்றார். சேக்கிழார் மேலும் அன்ன தொன்மைத்திருப்பதி கண் என்று குறிப்பிடும் (2) நிலை இது பண்டு தொட்டே சிறந்து விளங்குமொரு ஊராகத் திகழ்ந்தனையும் சுட்டுகிறது. இம்மிழலை நாடு பற்றிய தமது ஆய்வில், அறிஞர் ஒருவர் இராசேந்திர சிங்க வள நாடென்பது காவிரியாற்றின் வடகரையில் இருந்த ஒரு பெரிய நிலப்பரப்பாகும். இவ்வளநாட்டில் சற்றேறக் குறைய இரு பது உள் நாடுகள் இருந்தன. அவற்றுள் மிழலை நாடு என்பதும் ஒன்று என்று தனது ஆய்வுக் கருத்துகளைச் சொல்லும் நிலையில், எனவே மிழலை நாடு எனப்படுவது தஞ்சாவூர் ஜில்லா கும்பகோணம் தாலுகாவில் காவிரியாற்றிற்கு வடக்கே மண்ணி யாற்றின் தென்கரை வரையில் அமைந்திருந்ததோர் நாடு என்று கூறிச் செல்கின்றார். பெரு மிழலை அந்நாட்டின் தலைநகர் என்றும் உரைக்கின்றார். சங்க காலத்தில் சுட்டப் படும் மிழலைக் கூற்றம் பாண்டிய நாட்டுப் பகுதி என்பதும் இவரது எண்ணம்.

திருப்பெரும்புலியூர் என்று தஞ்சாவூர் மாவட்டத்தில் அமையும் ஊர் இது. வியாக்கிர பாதர் (புலிக்கால் முனிலர்) வழிபட்ட தலமாகும் சம்பந்தர் பாடல் அமைந்த இவ்வூர் பற்றிய செய்திகள் தெளிவாகவில்லை. எனினும், திருவையாற்றிற்குப் பக்கத்தில் காவிரியின் வடகரையில் உள்ளது என்பது மட்டும் தெரிகிறது.

சங்க கால ஊர்கள்

காட்டூர் ஐயன்பேட்டை என்று இவ்வூர் இன்று அழைக்கப்படுகிறது. தஞ்சாவூர் மாவட்டத்தில் உள்ளது.