ஊர் பெயரகராதி

சங்க கால ஊர்கள்

ஓக்கூர்‌ என்பது பாண்டி நாட்டில்‌ திருக்கோட்டியூர்‌ பக்‌கத்தே உள்ள ஓரூர்‌, எக்கூர்‌ என்பதே இவ்வூர்‌ என்று கருத்தும்‌ உள்ளது. அகநானூற்றில்‌ 14 ஆம்‌ பாடலையும்‌, புறநானூற்றில்‌ 248. ஆம்‌ பாடலையும்‌ பாடிய மாசாக்கனார்‌ என்ற புலவரும்‌, குறுந்தொகையில்‌ [.6. 139, 186, 20, 275 ஆகிய பாடல்களையும்‌ அகநானூற்றில்‌ 324, 384 ஆகிய பாடல்களையும்‌, புறநானூற்றில்‌ 29 ஆம்‌ பாடலையும்‌ பாடிய மாசாத்தியார்‌ என்ற புலவரும்‌ ஒக்கூரைச்‌ சேர்ந்தவர்கள்‌.

திருவத்தூர் என்றும் திருவத்திபுரம் என்றும் செய்யாறு என்றும் சுட்டப்படும் இவ்வூர் இன்று வடஆர்க்காடு மாவட்டத்தில் உள்ளது. சம்பந்தர் பாடல் பெற்ற இத்தலத்தில் ஆண்பனை பெண்பனையாயிற்று. ஒத்து – வேதம் இறைவன் வேதத்திற்குப் பொருள் சொன்ன இடம் என்ற கருத்து ஊர்ப்பெயர்க் காரணமாக அமைகிறது. திருவோத்தூர் என்ற பெயர், மக்கள் மொழி எளிமை கருதி மருவிய நிலையில் திருவத்தூர் எனவும், திருவத்தி புரம் எனவும் மாறி அமைகிறது. கல்வெட்டுகளிலும் ஓத்தூர் என்றே சுட்டப்படுகிறது. சேயாற்றங்கரையில் உள்ளமையால் செய்யாறு எனப் பெயர் வழக்கு அமைகிறது. ஓதக்கூடிய அந்தணர் வாழ்ந்த இடமாகவும் ஓத்தூர் இருக்கலாம். தொண்டைத் திருநாட்டில் திங்கள் முடியார் இனிது அமரும் திருவோத்தூர் ( 34-973 ) என சேக்கிழார் பாடல் அமைகிறது.

உறுபுலி துப்பின்‌ ஓவியர்‌ பெருமகன்‌! (பத்துப்‌. சிறுபாண்‌ 122) என்று நல்லியக்‌ கோடன்‌ என்ற வள்ளல்‌ கூறப்‌ பெற்றுள்ளான்‌. ஓவியர்‌ குடியிற்‌ பிறந்த பெருமகன்‌ ஆகிய ஓவியர் பெருமகன்‌ என்ற பெயர்‌ “ஒய்மான்‌” என மருவி, அவன்‌ ஆண்ட நாடு ஒய்மாநாடு எனப்‌ பெயர்‌ பெற்றது போலும்‌, ஒய்மாநாடு திண்டிவனத்திற்கு வடக்கிலுள்ள மா விலங்கையை வட வெல்லையாகவும்‌, கடலைத்‌ தென்‌ எல்லையாகவும்‌, சூணாம்பேடு என்னும்‌ ஊரையடுத்த வில்லிப்‌ பாக்கத்தைக்‌ கிழக்கு எல்லையாகவும்‌ கொண்டது. மேற்கில்‌ ஏறத்தாழ விழுப்புரம்‌ வரையில்‌ பரவியிருந்ததாகவும்‌ தெரிகிறது. இந்நான்கு எல்லைகளுக்குள்ளேயே எயிற்பட்டினம்‌ இருந்தது. இந்‌நாட்டைச்‌ சேர்ந்தனவாக இலக்கியங்கள்‌ கூறும்‌ வேலூர்‌, ஆமூர்‌ என்னும்‌ ஊர்கள்‌ இன்னும்‌ இருக்கின்‌றன. “புறநானூற்றில்‌ 176 ஆம்‌ பாடலால்‌ புறத்திணை நன்னாகனார்‌ ஒய்மான்‌ நல்லியக்‌ கோடனைப்‌ பாடியுள்ளார்‌.
“உறுபுலிதுப்பின்‌, ஓவியர்‌ பெருமகன்‌
களிற்றுத்‌ தழும்பு இருந்த கழல்‌ தயங்கு திருந்து அடி
பிடிக்கணம்‌ சிதறும்‌ பெயல்‌ மழமைத்தடக்கை
பல்‌இயக்‌ கோடியர்‌ புரவலன்‌ பேர்இசை
நல்லியக்‌ கோடனை…… ” (பத்துப்‌. சிறுபாண்‌. 122 129)

திருவொற்றியூர் எனும் பெயராக, செங்கற்பட்டு மாவட்டத் தில் உள்ளது இவ்வூர். ” தேவார மூவராலும் பாடல் பெற்ற தலம் இது. கடற்கரை அருகேயுள்ள ஊர் இது என்பதனை,
உருவேற்றார் அமர்ந்துறையும் ஓத வேலை ஒற்றியூர் பெரிய – 34-1030
பாட்டும் பாடிப்பரவித் திரிவார்
ஈட்டும் வினைகள் தீர்ப்பார் கோயில்
காட்டும் கலமுந் திமிலும் கரைக்கே
ஒட்டும் திரைவாய் ஒற்றியூரே
போன்ற பாடல்கள் காட்டுகின்றன. மேலும் பெரிய புராணம் இதனை ஒற்றி நகர் என்றும் சுட்டுகின்றது ( 34-1032) ஒற்றியாக நிலத்தை வைத்த பின்னர் மீட்டதன் காரணமாக ஒற்றியூர் என பெயர் வந்திருக்குமோ ? இக்கோயில் தலமரம் மகிழமரம். இதற்கு ஆதிபுரி என்ற பெயரும் உண்டு.

தேவாரத் திருத்தலங்கள்

சங்க கால ஊர்கள்

ஒல்லை என்ற சொல்‌ பழமை என்ற பொருளையுணர்த்தும்‌. ஊரின்‌ பழமை குறித்து ஒல்லையூர்‌ எனப்‌ பெயர்‌ பெற்றிருக்‌கலாம்‌. புதுக்கோட்டை மாவட்டத்தில்‌ ஒலிமங்கலம்‌ என்று அழைக்‌கப்படும்‌ ஊரே ஒல்லையூர்‌. ஒலியமங்கலம்‌ என்ற ஊரே இது என்று தெரிகறது. திருமெய்யத்துக்குப்‌ பக்கத்தில்‌ இப்‌பெயரோடு ஓரூர்‌ உள்ளது.
“மன்பதைக்காக்கும்‌ நீள்‌ குடிச்சிறந்த
தென்புலங்காவலின்‌ ஓரிஇப்பிறர்‌
வன்புலங்‌ காவலின்‌ மாறியான்‌ பிறக்கும்‌” (புறம்‌.71)
என்ற பாடலடிகள்‌ ஒல்லையூர்‌ தந்த பூதப்பாண்டியன்‌ தென்‌ புலங்காவல்‌ புரிந்த மன்னன்‌, பாண்டிய நாட்டவன்‌ என்பதனை உணர்த்தும்‌. எனவே ஒல்லையூர்‌ பாண்டி நாட்டுப்‌ பகுதி என்பதனையும்‌ குறிக்கிறது. ஒல்லையூர்‌ நாடும்‌ இருந்திருக்கிறது. பாண்டி நாட்டின்‌ வட வெல்லையில்‌ ஒல்லையூர்‌ நாடு ஒரு சிறு பகுதி. இச்சிறு பகுதியைச்‌ சோழர்‌ பறித்துக்‌ கொண்டனர்‌. பாண்டிய மன்னர்களால்‌ ஒல்லையூரை மீட்க முடியவில்லை பலமுறை சோழர்‌ மேல் படை கொண்டு தாக்கினர்‌. வெற்றி கிட்டவில்லை, பூதப்பாண்டியன்‌ பட்டம்‌ பெற்று நாட்டை ஆளத்‌ தொடங்‌கியதும்‌ முன்னோரைத்‌ தொடர்ந்து ஒல்லையூரை மீட்கப்‌ போரிட்டான்‌; வென்றான்‌. ஆகவே ஒல்லையூர்‌ தந்த (வென்ற) பூதப்பாண்டியன்‌ ஆனான்‌ . பூதப்பாண்டி என்ற ஊர்‌ பூதப்‌ பாண்டியன்‌ என்னும்‌ மன்‌னன்‌ பெயரால்‌ வழங்குகிறது. மன்னன்‌ பெயரால்‌ ஊர்‌ பெயர்‌ பெறும்‌ வழக்கிற்கு இது ஒரு சான்று. இவ்வூர்‌ நாஞ்சில்‌ நாட்டுத்‌ தென்‌ திரு விதாங்கூர்‌ பகுதியிலுள்ளது. ஒல்லையூர்‌ இழான்‌ மகன்‌ பெருஞ்சாத்தான்‌ என்னும்‌ வள்ளல்‌ இவ்வூரைச்‌ சேர்ந்தவன்‌. அகநானூற்றில்‌ 25 ஆம்பாடலும்‌, புறநானூற்றில்‌ 71 ஆம்‌ பரடலும்‌ ஒல்லையூர்‌ தந்த பூதப்‌ பாண்டியன்‌ இயற்றியவை. ஒல்லையூர்‌ கிழான்‌ மகன்‌ பெருஞ்சாத்தனைக்‌ குடவாயிற் ஈரத்தனார்‌ புற நானூற்றில்‌ 242ஆம்‌ பாடலால்‌ பாடியுள்ளார்‌.
“ஆண்மை தோன்ற ஆடவர்க்‌ கடந்த
வல்‌ வேற்‌ சாத்தன்‌ மாய்ந்த பின்றை
மூல்லையும்‌ பூத்தியோ, ஒல்லையூர்‌ நாட்டே” (புறம்‌ 242 2 4 6)