அபிதான சிந்தாமணி

தமிழ் வழங்கு நிலத்திற்கு வடவெல்லையாக உள்ளதோர் மலை. (சிலப்பதிகாரம்).

உயிர் முதல் எல்லா எழுத்துக்களின் வரிசை.

காவிரிப்பூம் பட்டினத்துள்ள ஐவகைமன்றத்துள் ஒன்று. இது பித்தேறினோர், நஞ்சுண்டோர், முதலியவரின் துயர் தீர்ப்பது (சிலப்பதிகாரம்).

ஒரு செந்தமிழ்ப் புலவர். (புற ~ நா)

காரியாற்றுத் துஞ்சியநெடுங்கிள்ளிக்கு ஒருபெயர். இவன் சோழர் பரம்பரையைச் சேர்ந்தவன். ஆவூரும், உறையூரும் இவனதுரிமை. சோழன் நலங்கிள்ளி இவனை முற்றுகை செய்து இவன் கோட்டைவாயிலடைக்க உள்ளிருந்து கோவூர்க்கிழாரால் தேற்றப்பட்டவன். (புற ~ நா).

பாண்டி நாட்டுள்ள ஒரூர். மதுரைக்குச் செல்லும் வழியிலுள்ளது. (சிலப்பதிகாரம்).

அதிகனுடன் பொருதபாண்டியன்.

1, பாண்டிநாட்டரசருள் ஒருவன். இவன் தேவியின் பெயர் கோப்பெருந்தேவி. கோவலனைச் சிலம்பின் பொருட்டுக் கொல்வித்துத் தான் செய்தது தவறென அறிந்து கண்ணகியால் மாண்டவன். (மணிமேகலை) 2. இவன் வெற்றிவேற்செழியன் மகன். இவன் தன்னுடனெதிர்த்த தமிழரசர் எழுவருடன் தலையாலங்கானத்துப் போரிட்டு வென்றான். இவனுக்குப் பின் பட்ட மடைந்தவன் உக்கிரப் பெருவழுதி.

இது பாண்டியன் நெடுஞ்செழியனை மதுரைக்கணக்காயனார் மகனார் நக்கீரர்பாடிய அகவற்பா.

கோபித்துச் சண்டை செய்யும் இடத்திலும், கள் குடித்துக் களித்தாடும் இடத்திலும், பரத்தையர் சேரியிலும், சிநேகம் தளர்ந்த இடத்திலும், அநேகர் வருவதும் போவதுமாயிருக்கும் தண்ணீர்த் துறையிடத்தும் நிற்கலாகாது. (ஆசாரக்கோவை).

(400) கடைச்சங்கத்தவர் கையாண்ட தமிழ் நூல்.

கூன்பாண்டியனுக்கு ஒரு பெயர்.

இவர்க்கு நெல்வேலி வென்ற நெடுமாறன் எனவும் பெயர். இவரே நின்ற சீர்நெடுமாற நாயனார் இவருடன் நெல்வேலியில் பொருதவன் நந்திபோதவன்மனுடைய சேநாபதி உதயசந்திரன். நந்தி போதவன்மன் காலம் உதயேந்திரசாசனத்தால் கி. பி. 710 முதல் 760 வரையென அறியப்படுகிறது. திருஞானசம்பந்தர் காலமும் இதுவாம்.

இவன் காரியாற்றிற் போரிட்டுச் சேரர் பாண்டியர்களை வென்ற பாண்டியன். இவனுக்குக் கிள்ளிவளவன், மாவண்கிள்ளி, வடிவேற்கிள்ளி, வென்வேற்கிள்ளி யெனவும் பெயர். இவன் கரிகாற்சோமன் குமரன். இவன் காலத்திற் புகார் கடல் கொண்டது, சோழர் மேன்மை கெட்டது. இவன் குமரன் தொண்டைமானிளந்திரையன், (மணிமேகலை).

மன்னரின் மேம்பட்ட நிறைமதிபோலும் கொற்றக் குடையினையுடையோற்கு ஒரு வீரன் தன்னுடைய மேம்பாட்டைத் தான் உயர்த்திச் சொல்லியது. (பு. வெ).

பகைவர் தஞ்சேனையைக் கிட்டித் தன்னுடைய ஆண்மைத் தன்மையை உயர்த்திச் சொல்லியது. (பு ~ வெ).

பாண்டியன் பல் யாகசாலை முதுகுடுமிப் பெருவழுதியைப் பாடிப் பரிசுபெற்றவர். (புற ~ நா)

இவர், இமயவாம்பன் தம்பி. பல்யானைச் செல்கெழுகுட்டுவனுக்குப் புரோகிதர். இவர் தம்மரசனை நான் சுவர்க்கம் புகவேண்டுமென அரசன் ஒன்பது பெருவேள்வி வேட்பித்துப் பத்தாம் வேள்வியில் தம்மனைவியுடன் சுவர்க்க மடைந்தவர். (பதிற்றுப்பத்து).

இவர் கடைச்சங்கமருவிய புலவருள் ஒருவர். இவர் குறுந்தொகையுள் “நெடுவெண்ணில” வென நிலவை நோக்கிச் செய்யுள் கூறினமையின் இப்பெயர் பெற்றனர். குறு 47. பெண் பாலார் ஆகலாம்.

குன்றூர் கிழாராற் பாடப்பட்ட வன். (புற ~ நா).

திருச்செங்குன்றென்னும் குமரவேள் மலை, (சிலப்பதிகாரம்).

பாண்டியன் பல்யாகசாலை முதுகுடுமிப் பெருவழுதியைப் பாடியவர். (புற ~ நா).

உயிரெழுத்துக்களில் நெடிய ஓசைகளைப் பெற்ற, ஆ, ஈ, ஊஉ, ஏ, ஐ, ஓ, ஒள எனும் எழுமாம். (நன்.)

இந்தக் கிரகம் சூரியனுக்கு எட்டாவது வட்டத்திலிருப்பதாக காலி என்பவரால் (1846) வருஷத்தில் கண்டு பிடிக்கப்பட்டது. இது, சூரியனுக்கு (279) கோடியே (17) லக்ஷம் மைல் தூரத்திற்கப்பால் இருந்து சூரியனைச் சுற்றி வருகிறது. இது, சற்றேறக்குறைய (164) வருஷகால அளவில் சூரியனை ஒருமுறை சுற்றி வருகிறதென்பர். இதன் குறுக்களவு (34,800) மைல். இதற்கு ஒரே உபக்கிரகம் உண்டென்பர். இது தன்னைத்தான் சுற்றும் நிலை அறியப்படவில்லை யென்பர்.

1. இது, தேஜஸ் தருவது, பாவத்தைப் போக்குவது, தேவர்க்கு யஞ்ஞமூலமாய் ஆகாரமாவது, இது காமதேனுவிடம் பிறந்தது. ஆகையால் பாபஹரம் என்று விஷ்ணு தர்மோத்தரம் கூறுகிறது. 2. நெய்ப்புள்ள திரவப்பொருள். இது மிருகங்களிடத்தும் மரக்கொட்டைகளிடத்தும் எடுத்து உருக்கப்படும். பசு, ஆடு, எருமை, ஒட்டை முதலிய மிருகங்களிடமும், எள், ஆமணக்கு, இருப்பை, புன்னை, வாதுமை, வேம்பு, புங்கு, தேங்காய், கடுகு, சேங்கொட்டை, முதலிய வித்துக்களிடத்தும் நெய் எடுப்பர்.

தேரையர் செய்த மூத்திர பரீக்ஷை நூல்.

கடைச்சங்கமருவிய புலவர். (அகநானூறு.)

இவர் கடைச்சங்க மருவிய புலவருள் ஒருவர். இவர் பெயர் கார்க்கியனார். இவர் நெய்தலைப் பாடுதலில் வல்லவராதலில் இவர்க்கு இப்பெயர் வந்ததுபோலும். (குறு 55,212),

1. கடைச்சங்கமருவிய புலவர், 2. இவர் இயற்பெயர் தத்தனென்பதே. வேறு தத்தனென்பார் பலருளராதலாலும், இவர் நெய்தற்றிணையைச் சிறப்பித்துப் பாடியிருத்தலாலும் ஏனைய தத்தர்களின் இவர் வேறென்பது தெரிய நெய்தற்றத்தனர் எனப்பட்டார். நெய்தலேயன்றிப் பாலையையும், பாடியுள்ளார். நீ படுந்துயரை தலைமகனூர்க்குச் சென்று அவனறியும்படி கூறுவோமோவென்று தோழி தலைமகளை நோக்கிக் கூறியதாக மகழ்விக்கின்றார். நற் (49) இவர் பாடியனவாக மேற்கூறிய பாடலொன்றும் அகத்திலொன்றுமாக இரண்டு பாடல்கள் கிடைத்திருக்கின்றன.

நிலத்தின் வகைகளைக் காண்க.

எழுபத்தினாலு சிங்காசனாதிபதிகளில் ஒருவர். (குருபரம்.)

இது எல்லாப் பறவைகளிலும் பெரிது, கால்கள் நீண்டிருக்கும். விரல்களைக்கொண்டிருக்கும். உயரம் ஆறடி முதல் எட்டடியிருக்கும். தலை சிறிது. தொடையிலிங்குமங்கும் மயிருண்டு, இது (2) மனிதரைத் தன்னுடம்பிற்றாங்கி ஓடும். இதன் சிறகுகள் சிறியவை; ஆதலால் மேற் கிளம்பிப் பறவா. அதிக விரைவாய் குதிரை வேகத்திற்கதிகம் ஓடும். இதின் பெட்டை மணலில் முட்டையிட்டு அவயவங்காக்கும். இதினிரகுகள் அழகாகவும் மெதுவாகவு மிருத்தலால் ஐரோப்பியர் முடியணிக்காக ஆப்பிரகரிதனை வேட்டையாடுகிறார்கள். இது வேட்டையில் களைத்த காலத்துத் தன்னை வேட்டைக்காரர் பார்க்கவில்லையென வெண்ணித் தலையை மணலில் மறைத்துக்கொள்ளும். இதன் முட்டைகளை உணவாகவும், முட்டையோட்டைப் பான பாத்திரமாகவும், ஆபரணமாகவும் உபயோகிப்பர். இது ஆப்பிரிகா கண்டத்துப் பாலைவனவாசி. ஆகாரம் புல் பூண்டு முதலிய.

இது வெடிமருந்து நாளிகக் கருவிகளுக்கிடுவது. செய்முறை சுவர்ச்சிலவணம் (வெடியுப்பு) பலம் (5) கந்தகம் பலம் (1) சதுரக்கள்ளி அல்லது எருக்கன்கரி பலம்(1)இவைகளைப்பொடித்துக்கலந்து சதுரக்கள்ளி,எருக்கு,வெள்ளைப்பூண்டுஇவற்றின் ரஸங்களால் காய்ச்சி வெயிலிலுலர்த்தி சருக்கரைபோல் பிசைந்து உபயோகித்தலாம். இதற்கு இரும்பு, ஈயங்களினாலாக்கப்பட்ட உருண்டை தாக்குங் கருவி (குண்டு.) (சுக். நீ.)

இவர் தொண்டைநாட்டு நெற்குன்றமென்னும் ஊரில் இருந்த வள்ளல், காளமேகர் என்னும் கவிவாணர், இவர் இல்லாதகாலத்து வீட்டு முன்றிலில் வந்து கவிபாட அக்கவியைக் கேட்ட தாதியொருத்தி தக்க பரிசளித்தனுப்பினள். இதற்குள் முதலியார் வந்து மணி பொன் முதலிய தம் பொருள்களையுங் கொடுத்துத் தாமும் அடிமையென்று, “கற்கும்கவிவல்லவந்தணர் கோனபிகாளிக்கியாம், விற்கும் பரிசனமாகி விட்டோம் வடவேங்கடமும், பொற்குன் றமும் புகழ்க் கங்காந்தியும் பொதியமும் போல், நெற்குன்றமும் நம்மரபு மெந்தாளும் நிலைநிற்கவே” எனப் பாடித் தந்தவர். இவர் இருந்த ஊரில் களப்பாளன் என்னும் வேளாண்குலத்துக் கவியும் இருந்ததாகத் தெரிகிறது. திருப்புகலூரில் தரிசனார்த்தமாக வந்தபோது திருப்புகலூரந்தாதி பாடியவர். (காளமேகர் காலம்).

எருக்கிலை, கொழுஞ்சி, அவிரி, ஆவிரை, வேப்பிலை, நொச்சி வாகை,பூவரசு, புங்கு, வாதநாராயணதி இலைகளும், ஆமணக்கு, வேம்பு, வேர்க்கடலை, இருப்பை, புங்கு, புன்னை, முதலான பிண்ணாக்குகளும் போடலாம். ஒரு ஏக்கருக்கு மாட்டு எரு பத்து வண்டியாகவும், இலை எரு ஐந்து வண்டியாகவும், அல்லது தனி அவிரியாகில் மூன்று வண்டியும், வேர்க்கடலைப் பிண்ணாக்கு இரண்டு பாரமாகவும், தோற்கிடங்கு மயிரை ஒரு வண்டியாகவும் உபயோ கிக்கலாம். சீனா, ஜப்பான், முதலிய தேசங்களில் புளித்த மலத்தையும், ஐரோப்பா, அமெரிக்கா தேசங்களில் எலும்புப் பொடி, பிரகாசிதம் கலந்த சுண்ணாம்பு, சாம்பல், பலவகைப் பசுந்தாள், மீன் எலும்புத் தூள், பட்சிகளின் புழுக்கை முதலியவற் றையும் எருவாக உபயோகப்படுத்தி வருகிறார்கள். நிலத்தில் களர் இருந்தால் பாச்சான், பிரண்டை, பனையோலைகளைப் போட்டு மிதித்து அதிகத் தண்ணீர் கட்டினால் களர் எடுபட்டுப்போம். பசுவின் எருவைப் போட்டால் சாதம் ருசியாக இருக்கும்.

நெல்லுக்கு நான்குழவு என்னும் பழமொழி நம் நாட்டாருக்குத் தெரிந்த விஷ யம். நெல் தொன்று தொட்டுச் சேற்றில் விளையும் பயிராகையால் இதற்குப் புழுதியுழவு கூடாது. மேலும், மண் மட்க வேண்டியதைக் கருதி நான்கு நாள் விட்டு, விட்டு உழுதல் உத்தமம். நெற்பயிரின்வேர் ஒரு அங்குலம் வளர்ந்து பரவும் தன்மை யுடையதாதலால் உழவுக்குத் தக்கபடி பயிர் விருத்தியாகும்.

இது புன்செய், நன்செய் நிலங்களில் பயிரிடப்படுவது, பூமியை நன்றாயுழுது புழுதியாக்கி உலர்த்தி நனறாகக் காய்ந்த விதையைப் புழுதியில் விதைப்பர். இது புழுதிக்கால்பயிர். கழனியை உழுது நீர்பாய்ச்சி எருத்தழை முதலிய போட்டு அவை நன்றாயழுகியபின் பறம்படித்து நாற்றுகளைத் தூரமாச நட்டுப் பயிரிடுவது நடவு. இது நன்செய் பயிர், நெற்பயிருக்கு நிறையத் தண்ணீர்ப் பாய்ச்சி, களை பறித்து எருவிடவேண்டும். இவ்வாறு செய்தால் நல்ல பலன் தரும். இதில் பலவகை நெற்கள் உண்டு. இது, முக்யமாய் சம உஷ்ணமுள்ள தேசங்களில் பயிராகிறது. இந்தியா, பர்மா, சீனா, முதலிய இடங்களில் பயிராகிறது. இதன் தாள் வைக்கோலாய் மாடுகளுக் குணவாகும், நெல்லை அரிசியாக்கி ஆகாரமாகவும், தின்பண்டப் பணிகாரங்களாகவும் செய்கிறார்கள். இதன் விரிவை தான்யவகைகளில் காண்க.

நெற்பயிரானது அதிகத் தண்ணீருள்ள இடங்களிலெல்லாம் மிகுதியாக விளையக்கூடினும் களிமண், செம்மண், எதியோரம், மணல்படுக்கை, மிச்ரமண் முதலானவையே இப்பயிருக்கு ஏற்றவை.

புல்வகையில் சேர்ந்த பயிர். இது உலகிலுள்ள எறும்பு முதல் யானை யீறாகவுள்ள எல்லாப் பிராணிகளுக்கும் ஆகாரமாகவுள்ளது. இது, நன்செய், புன்செய் நிலங்களில் விளையும் பயிர், இவ்வகை நெற்கள் உருவ வேறுபாட்டினும், உரிசை வேறுபாட்டினும் பலவகைப்படும். இந் நெல்வகை இந்தியாவில் (300)க்கு மேற்பட்ட வேறுபாடுள்ளன வென்பர். ஜபானியர் இதில் (4000) வகைகளுக்கு மேற்பட்டிருக்கிற தென்பர். இவற்றின் நிறம் பொன்மை, வெண்மை. இந்தியாவில் பூர்வம் பெரும்பாலார் உழவைக் கொண்டே எல்லா செல்வங்களையும் பெற்றனர். அரசனும் உழவரிடம் பெற்ற செல்வத்தாலேயே அரசாண்டு வந்தான். வேற்று நாட்டவரும் இந்நாட்டின் வளங்கண்டே இந்நாட்டிற் படையெடுத்து வந்தனர். அத்தகைய பெருஞ் செல்வத்தைத் தந்த நெல் தற்காலம் உழவர் தாழ்வடைந்ததால் குறைவுபட்டது. அதற்குக் காரணம் நம் நாட்டு எரு முதலிய அயல்நாடு சேருதலாம். இவ்வகை பெருமை பெற்ற நெல்லின் வகை கார்நெல், மணக்கத்தைநெல், வாலான், கருங்குறுவை, ஈர்க்குச்சம்பா, புழுகுச் சம்பா, கைவரைச் சம்பா, செஞ் சம்பா, கல்லுண்டைச் சம்பா, குண்டுச் சம்பா, மல்லிகைச்சம்பா, இலுப்பைப்பூச் சம்பா, மணிச்சம்பா, வளை தடிச்சம்பா, கோரைச்சம்பா, குறுஞ்சம்பா, மிளகுச் சம்பா, சீரகச்சம்பா, காளான் சம்பா, மைச். சம்பா, கோடைச்சம்பா, காடைச்சம்பா, குன்றிமணிச்சம்பா, அன்னமழகிச் சம்பா, புட்டரிசி நெல் முதலிய பல உண்டு.

நமது நாட்டில் விளைவிக்கும் நெல்லில் 1, கார், 2. சம்பா, 3. குறுவை, 4. அன்னதானம், 5. அறுபதாங்கோடை, 6, மிளகி, 7. செம்மிளகி, 8. சீரகச்சம்பா, 9. சிறுமணிச் சம்பா, 10. சின்னசம்பா, 11. பெரிய சம்பா, 12. வாடைச்சம்பா, 13. ஊசிச் சம்பா, 14. இலுப்பைச்சம்பா, 15. மல்லிகைச்சம்பர், 16. கம்பன் சம்பா, 17. கைவளைச்சம்பா, 18. குங்குமச்சம்பா, 19. குண்டுச்சம்பா, 20, கோடைச்சம்பா, 21. ஈர்க்குச்சம்பா, 22. புனுகுச்சம்பா, 23. துய்யமல்லிச்சம்பா, 24. மோரன்சம்பா, 25. பாலன் சம்பா, 26. சீவன்சம்பா, 27. செம்லிப்பிரியன், 28. பிசானம், 29. மலை குலுக்கி, 30. மடுவிழுங்கி, 31, காடைக் கழுத்தன், 32. செம்பாளை, 33. பூம்பாளை, 34. முட்டைக்கார், 35. கடப்புக்கார், 36. வெள்ளைக்கார், 37. மோசனம், 38. மணக் கத்தை, 39. பிச்சைவாரி, 40. ஈசற் கோவை, 41. இறங்குமேட்டான், 42.தென்னெல், 43.வெண்ணெல், 44.அருஞ்சோதி, 45. பொங்கையோச்சாலி, 46. பொன்கம்பி, 47: புளங்கல், 48. பெங் காளம், 49. பர்மான், 50. பைகோசம்பா முதலான அநேக ஜாதிகளுமிருக்கின்றன.

வேம்பத்தூர் புலவர்களுள் ஒருவாராகிய அம்பிகாபதி என்பவரா லியற்றப்பட்டது.

சிவராத்திரி புராணம் பாடிய புலவர்.

இவர் திருநெல்வேலியலிருந்த தமிழ்வித்வான், திருநெல்வேலி புராணம், திருப்பாச்சூர் புராணம் முதலிய பாடியவர்.