அபிதான சிந்தாமணி

அபத்னீ கன், பொய்சாக்ஷி சொல்வோன், கிராம புரோகிதன், துஷ்டன், விஷமிட்டவன், சடன், சோதிஷசீவி, குண்டன், பௌநர்பவன், விடன், அதிவிர்த்தன், அதிக முண்போன், தந்தைக் கிணங்காதவன், அபஷ்யபு, பஞ்சாங்கம் சொல்வோன், துச்சீலன். (முதலியவர்.)

அபிமன்யுவுக்குப் பிறகுவந்த ஏழாவது அரசன். இவன் அரசில் அத்தின புரம் முழுகியது.

ஒரு சோழன். இவன் காலத்தில் வல்லான் என்பவன் அரசர்களை வருத்திக் கொண்டிருக்க அவனை அதிசூரன், சூரன், என்னும் செங்குந்தரால் அடக்கி வென்று வந்த அவ்வீரருக்குப் பரிசு அளித்தவன்.

உலகியலையும், நூன் முறையையும், நீதியையும் அறிந்தவன். (சுக் ~நீ)

1. பிருதுகுமரன். இவனுக்கு நூறு பிள்ளைகள் உண்டானார்கள். இவன் குமரன் சமரன், இவன் காம்பீலிதேசத்து அரசன், 2. நபாசுனைக் காண்க.

தெய்வ வணக்கம் செய்யும் போதும், தீக்கனாக்காண் கையிலும், அசுசி உண்டான காலத்தும், உண்டதைக் கக்கின போதும், க்ஷெளாம் செய்து கொண்ட காலத்தும், உண்ணும் போதும், புணர்ச்சி உண்டானபோதும், பொழுதேற நித்திரை செய்தபோதும், இழிசநர்களைத் தீண்டினபோதும், மலசலங் கழித்தபோதும், நீராடல்வேண்டும்.

தடாக முதலியவற்றில் நீராடுகையில் நீந்துதலும், நீரில் எச்சிலு மிழ்தலும், தண்ணீரைக் குடைதலும், தண்ணீரில் விளையாடுதலும் கூடா.

மழைநீர், ஆலங்கட்டி நீர், பனிநீர், தண்ணீர், ஆற்று நீர். குளத்து நீர், தாமரைக் குளத்து நீர், ஏரிநீர், சுனை நீர், ஓடை நீர், கிணற்று நீர், ஊற்று நீர், பாறை நீர், அருவிநீர், அடவிநீர்; வயல் நீர், பாசி கலந்தநீர், கடல்நீர், துவர்நீர், வேர்கள் ஊறியநீர், இன்னும் பலவகை நீர்களுள, இவற்றின் குணங்களைப் பதார்த்தகுண சிந்தாமணியால் அறிக.

பூமியில் விழுந்த மழையைக் கிரகித்த மணற்பூமி தான் கிரகித்த நீரைமீண்டும் வெளியில் ஊற்றுவது.

1. பஞ்சபூதங்களி லொன்றாய்த் தன் மாத்திரை காரணமான தாயுள்ள திரவம். இந்நீர் நில வேறுபாட்டால் பல ருசிகளையும் குணங்களையும் பெற்றிருக்கும். கடல் நீர் ஆற்று நீர், ஏரிநீர், குளத்து நீர், சுனை நீர், மடுநீர், கிணற்று நீர், முதலிய இவையன்றி, மழைநீர், பனிநீர், முதலியவும் உண்டு. 2. இது இரசதன் மாத்திரையில் தோன்றியது. இது சத்தம், பரிசம், ரூபம், கந்தமெனும் நான்கு குணமுடைத்தாய் நெகிழ்வித்துப் பதஞ்செய்தலாகிய தொழிற் பாட்டைப்பெற்று உயிர்களெல்லாம் தன்னாற் சீவித்தற்கேதுவாய் நிற்பது. இது, திரவ ரூபமாயினும், பனிக்கட்டி, ஆலங்கட்டி, ஆவி, காற்று எனும் வேறுருக்களைப்பெ றும். நீர், ஆவியாகப் பரிணமிக்கையில் அதன் இயற்கையில் (1700) பங்கு மிகுகின்றது. ஜலத்தில் உப்பின் குணமொன்று அதிகரித்திருக்கிறது. அக்குணம், கடின பதார்த்தங்கள் உண்டாவதற்கும், உண்பனவற்றிற்கு உரிசை தருதற்கும் உதவுகிறது. நீரில் ஒருபங்கு பிராணவாயுவும், இரண்பெங்கு ஜலவாயுவும், இருக்கிற தாகத் தற்கால ஆராய்ச்சிக்காரர் கூறுகின்றனர்.

இது நீரின் அடிப்பாகத்திலும் மேற்பாகத்திலுமுள்ள பூச்சி. இன்னும் நீரில் பூமியில் வசிக்கும் பிராணிகளைப்போல் நீர்வண்டு, நீர்த்தேள், நீர்ச்சிலந்தி, நீர்க்குளவி, அட்டைகள். கிளிஞ்சல் பூச்சிகள், நத்தைப்பூச்சிகள்,முத்துப்பூச்சிகள், சங்குகள் முதலிய விலாங்கு : இதனை மலங்கு மீன் என் பர். இது பாம்பைப்போல் நீண்டவுட லும் முகமும், மீனைப்போல் வாலுமுள்ள பிராணி. இது கடலிலும், நன்னீரிலுமுண்டு, இவ்வினத்தில் தென் அமெரிகாவைச் சார்ந்த ஏரிகளில் ஒருவகை மின்சார சக்தியுள்ள விலாங்கு உண்டு. அவை தம்மிடமுள்ள மின்சாரத்தால் பிராணிகளை மயக்கி ஆகாரமாக்குகின்றன. இவை (20) அடி நீளமிருக்கிறதாம். விலாங்கினத்தில் அமெரிக்கா கடல்களில் ஒருவகை உண்டு. அவை கடலின் அடிப்பாகத்திலிருண்ட இடங்களிலிரைதேடத் தமது விளக்கொளி போன்ற கண்களை நீட்டி அவ்வெளிச்சத் தில் இரை தேடுகிறதாம். அதனை விளக்கு மீன் (Lantern Eel) என்பர். அமெரிகாவைச் சேர்ந்த மெக்சிகோ நாட்டுநீர் நிலைகளில் விலாங்குபோல் உருவமும் பல்லியின் கால்கள் போல் கால்கள் கழுத்தருகிலுமுள்ள ஒருவிதமுண்டென்று கூறுவர்.

நீர் கடவுளால் ஆன்மாக்கள் பொருட்டுப் பல இடங்களில் சுறக்கச் சிருட்டித்த திரவப்பொருளாம். அந்நீர், மழைநீர், ஆற்று நீர், ஆலங்கட்டி நீர், பனிநீர், குளத்துநீர், எரிநீர், கிணற்று நீர், ஓடைநீர், சுனை நீர், ஊற்று நீர், பாறை நீர், அருவிநீர், அடவிநீர், உப்பு நீர், சமுத் திரநீர் எனப் பலவிதப்படும். இவை நிலத்தியல்பால் அவற்றின் குணங்களும் வேறுபடும். இவற்றுள் மழைநீர், குளிர்ச்சியையும், நல்லறிவையும், ஆற்று நீர், சுக்கில விருத்தியையும், ஆலங்கட்டி நீர், குளிர்ச்சியையும் உண்டாக்கும். பனிநீர், சொரி, கிரந்தி இவைகளைப் போக்கும், குளத்து நீர், வாதரோகத்தையும், ஏரிநீர், வாயுவையும், உண்டாக்கும். கிணற்றுநீர், விதாகம், உஷ்ணம், தீபனம் இவற்றை நீக்கும். ஓடை நீர், மிகுந்து தாபத்தையும், சுனை நீர், சீத சுரத்தையும், உண்டாக்கும். ஊற்றுநீர், பித்தாதிகத்தைப் போக்கும். பாறை நீர், சந்தத சுரம் உண்டாம். அருவிநீர், இரத்த பித் தரோகத்தைப் போக்கும், அடவிநீர், தேகபாரம், வலியவிஷம் சுரம், உண்டாம், உப்புநீர், பித்தரோகத்தை உண்டாக்கும். சமுத்திர நீர், பலவித வியாதிகளைப் போக் கும், “பாசித்தண்ணீர் நோயாக்கும், பருத்தவோடைத் தெளிவூறல், நேசித்திடவே பிணியில்லை, நிலைநீர்க்குண்டாம். குடல் வாதம், மாசித்தண்ணீர் பித்தகற்றும், வளர்க்குஞ் சுரத்தைச் சாசுறல், தேசத் தண்ணீர்க் குணந்தன்னைத் தெளியச் சொன்னோந் திண்ணமிதே. ஆற்றுத் தண்ணீர்க் கழகுண்டாம், அடைந்த சுனைக்கு மகோதரமாம், தூற்று மாரிமெய்யிறுக்கும், தொலையாக்கிணறே கயந்திரட்டும், மாற்றுங் குளமே வியாதியில்லை, மாறாம் குளமே வியாதியுண்டு, தோற்று மது மொழிமயிலே துலங்குந் தண்ணிர்க் குணங் காணே. ” சந்திர சூரியகிரணங்கள், காற்று, அணுகாத்தும், கிருமி, தூர்வாசனை, சேறு,தடித்தல், சாகுதிரல், ருசியின்மை முதலிய நீர்கள் ஸ்நான பானங்களுக்கு உதவா. வெந்நீரால், எதிர்க்கின்றவுணவு, புளியேப்பம், குன்மம், சீதக்கட்டு, சுரம், காச முதலிய நீங்கும்.

இது, நீரிலுள்ள மீன்களைப் பிடித்துத் தின்பது. இது காக்கையின் உருவில் சிறிது வேறுபாடுடையது. இதன் அலகு நீண்டிருக்கிறது, பாதம் நீந்துவதற்கான தோற்பாதம். நிறம் கருமை, நீரில் நீந்தும் வன்மையுடையது. இதனை ஜைனர் ஜபானியர் பிடித்து மீனை பிடித்துத் தம்மிடங் கொடுக்கப் பழக்கியிருக் கின்றனர். அவ்வாறே அவை மீன்களைப் பிடித்து யஜமானரிடத்தில் கொடுக்கின்றன.

இது காக்கை உருவொத்து நீரிலுள்ள பிராணிகளால் வாழும் பறவை. நீரில் நீந்தி மீன்களை வேட்டையாடுவது, நீர்க்கரை யோரங்களிலுள்ள மரங்களில் கூடுகட்டி வாழும்.

இது மத்திய ஆபிரிகாவின் ஆற்றோரங்களில் வசிப்பது. இது பெரிய எருமைபோல் தடித்த தோலுள்ள மிருகம், துப்பாக்கியால் சுடினும் சாகாதது. கால்கள் குறுகி உடல் நீண்டது. (Hippopotamus.)

(ஹிபோடமஸ்) இது காண்டாமிருகத்தை ஒருவாறு ஒத்திருக்கும். இதற்குப் பருத்தவுடலும், தடித்துக் குறுகிய கால்களும், தடித்த தோலும், அகன்றவாயும், நீண்ட பற்களும் உண்டு. கொம்பில்லை. ஏறத்தாழ நாலடி உயரமும் (12) அடி நீளமும் உள்ளது. இது தண்ணீரில் வசிக்க விருப்பமுள்ளது. இது காய், கிழங்கு, இலை முதலியவற்றைத் தின்று ஜீவிக்கும். இது ஆப்பிரிகா கண்டத்து நயில் நதிக்கரையில் வசிப்பது. இது தம் கூட்டத்துடன் கூடி வாழும் மிருகங்களில் ஒன்று.

இது நீர்க்கரை யோரங்களில் வசிக்கும் பிராணி. இது உருவத்தில் எலியைப்போன் றது. வால் அகன்று தட்டையாய்ச் செதிள் மூடியிருக்கும். பருமனில் பூனையளவிருக்கும், முன்னங்கால் குறுகியும் பற்கள் பலமாகவுமிருக்கும். உடலில் மிருதுவான மயிர் அடர்ந்திருக்கும். இவை பல ஒன்று சேர்ந்து வாழும். இவை ஆற்றோரங்களில் வீடு கட்டுதற்குப் பற்களால் பெரிய மரக்கிளைகளைக் கடித்துத் தள்ளி அகன்றவாலினாலும் முன்கைகளைச் சேர்த்தும் மணலைக்கொண்டு வட்டமாக வீடு கட்டி நீர் மட்டத்தடியில் வாழும். இது கோடை காலத்தில் கந்த மூலாதிகளைப் புசிக்கின்றன. மழைக்காலத்தில் மரப்பட்டைகளைத்தின்று பிழைக்கின்றன. இவை அணிற பிள்ளைகளைப்போல் உட்கார்ந்து முன்னங்கால்களால் ஆகாரத்தைத்தின்கின்றன. இவற்றின் ரோமத்தால் தொப்பிகள் செய்யப்படுகின்றன. வட அமெரிக்கா, ஐரோப்பா நதிகளில் வாழ்வன.

சில வேளைகளில் தரையில் வீசும் சுழல்காற்று, கடலிலுண்டாகி ஜவத்தைமேல் நோக்கியிழுத்துத் தூண்கள் போல் நிற்கச்செய்கிறது. அக்காலத்திலதிலகப்பட்ட பொருள்களை ஆகாயத்தில் தூக்கியெறிந்து பின் தரையில் மோதுகிறது. இவ்வாறாகிய தீர்ப்பரப்புக்களில் சில பள்ளமாயும், சிலமேட்டுப் பாங்காயு மிருகின்றன. காஸ்பியன் கடல் அதிக பள்ளமான நீர்மட்டமுடையது. மத்ய தரைக்கடல் மேட்டுப்பாங்கானது. பெரும்பாலும் இக்கடல்கள், உருசியாலும், குணத்தாலும் நிறத்தாலும் வேறுபடுகின்றன. எல்லாக் கடல்களும் உப்பு நீர் உடையன. மத்யதரைக் கடலின் கீழ்க்கரையில் சாக்கடல் (Dead Ses) என்பதொன்றுண்டு. இது (9) மைல் அகலமும் (47) மைல் நீளமும் உள்ளது. இதனீர் பசுமை, ஆழம் (1308 அடி) இதில் ஜார்டன், முதலிய பலாதிகள் பாய்கின்றன. ஆயினும் இந்நதி அந்நீரை எங்கு ஒளிக்கின்ற தென்பதறியவில்லை, இதில் நீர்வாழ்வன இல்லை, வெயிற்காலத் துப் பறவைகள் அக்கடலின் மீது பறந்து செல்லினும் இறக்கும் என்பர். இதனீர் உப்பால் கனத்திருப்பதால் இதில் மனிதன் விழுந்தால் அமிழ்ந்து போகிறதில்லை மிதப்பன்.

இவைகள், மகாசமுத்ரங்கள், கடல்கள், விரிகுடாக்கள், வளைகுடாக்கள், ஆறுகள், ஏரிகள், எனப்பிரிவுள்ள வைகளாயிருக்கின்றன. இவ்வகை நீர்ப்பரப்பு இக்கோளத்தைச் சூழ்ந்து பூமி வறளாமல் நெய்ப்பைத்தந்து காக்கின்றது. இந்நீர்ப் பரப்புகளின் ஆழங்கள், எங்கும், 2, 3, மைல்கள் ஆழமுள்ளவைகளென்பர். ஆயினும் சிற்சில இடங்களில் அதிகம் உண்டு. தென் அமெரிகாவின் கீழ்க்கரையிலுள்ள ரையோடிலாபிளாடா முகத்து வார சமுத்திரத்தின் ஆழம் (8) மைல். பிலிப்பயின் தீவுக்கு வடக்கில் உள்ள கடலின் ஆழம் (18) மைல் என்பர். கடலில் (1000) அடிகளுக்குக் கீழ் இருளே திணிந்திருக்கிறதாம். ஒளியென்பதே இல்லை, மகாசமுத்திரங்களினடிப்பாகம், பூமியைப் போலவே, மலைகள், குன்றுகள், சமவெளிகள், பள்ளத்தாக்குகள், எரிமலைகள், இரத் தினவகைகள், உலோகவகைகள், மரங் கள், செடிகள், பூண்டுகள் முதலிய பெ றிருக்கிறது. ஒவ்வொரு காலங்களில் மகாசமுத்திரங்களில் அலைகள் இவற்றை தவிர (70) அடிக்குமேல் கிளம்புகிறதும் உண்டென்பர். சில கடல்களில் ஆறுகளைபோல் நீரோட்டம் கொள்ளுகிறது. ஆதலால் கடல்களில் நீர்ச்சுழிகள் தோன்றுகின்றன. அந்நீர்ச் சுழல்கள் நீரோட்டங்கள் ஒன்றுடன் ஒன்று சேர்வதனால் உண்டாகி யாத்திரை செய்யும் கப்பல்களை நாசஞ்செய்கின்றன. இவ்வகைச் சுழல்கள் நார்வே தேசக் கடற்கரை யோரமாக நேரிடுகின்றன என்பர்.

இது, நீரிலுள்ள பிராணி பல்லிபோல்வது, இது ஐரோப்பா, அமெரிகா தேசங்களின் நீர்நிலைகளிலுள்ளது. இது, (3) அடிகள் முதல் (12) அடிகள் வரையில் நீண்டுள்ளது. இதற்கு மீனுக் கள்ளது போல கழுத்திலிருந்து வால்வரையில் தட்டையாகச் சட்டைகள் இருக்கின்றன. இது நீரிலுள்ள பூண்டுகளுக்கிடையில் குஞ்சபொரிக்கிறது.

(நீர்ப்பல்லி) காண்க. நடை மச்சம், முதலை, இறால்மீன் இது, நீர்ப்புழு இனத்தில் ஒன்று, இதன் மேற்சோல் வளையம் போன்று எளிதில் உரிக்கக்கூடியதாய் இருக்கிறது. இதற்கு மீசையும் கால்களும் உண்டு. இது நீரில் தன் உடலை மடக்கியும் நீட்டியும் அதிவேகமாய்த் தாண்டும். இவ்வினத்திற் சில (3) அடிகளுக்கு மேலுண்டு. இவ்வினத்தில் சிறியது சின்ன கூனி. இவ்விறால்களிற் சில பல கால்களையும் வால்களையும் பல வர்ணங்களையும் பருமனீளமுள்ளவைகளா யிருக்கின்றன. பலவகை நண்டுகள், ஆமைகள், பலவகை மீன்கள் பலவகைத் திமிங்கிலங்கள், சீல்கள், நீர்நாய்கள், டால்பின் மீன்கள்.

தாமரைப்பூ, வெள்ளைத்தாமரைப் பூ, அல்லிப்பூ, செவ்வல்லிப்பூ, கழுநீர்ப் பூ, கருநெய்தற்பூ முதலிய.

இவை, நீரிலுண்டாம் பூண்டு செடி கொடி முதலிய நீர்ப்பூண்டு வகைகளில், நீர் ஆரை, நீரடிமுத்து, நீர்ப் பூலா, நீர்முள்ளி, நீர்மேனெருப்பு முதலிய பூண்டுகளும், தீர்வஞ்சி அல்லி, நெய்தல், கழுநீர், தாமரை, செங்குவளை முதலிய, தாமரையில் செந்தாமரை, வெண்டாமரை, நீலத்தாமரையென வேறுபாடுண்டு. இவற்றின் கொடிகள், நீர்நிலைகளில் அழகாய்ப் பரந்து ஒரு அடிக்கு மேற்பட்ட இலைகளைப் பரப்பி நிற்கும். இவ்விலைகளின் மேற்புறத்தில் ஒருவகைசுணையுண்டு. அதில் நீர் பற்றுவதில்லை. மலர் வெண்டாமரையில் புறவிதழ் வெண்மை கலந்த பசுமையாயும் அகவிதழ் மிக்க வெண்மையாயும் மணத்தோடு கூடிப் பல இதழ்க ளைப்பெற்றிருக்கும். இவ்விதழ்கள் ஆயிரக்கணக்காகவும் இருக்குமென்பர். செந்தா மரை மலரின் அகவிதழ் வெண்மை கலந்த செந்நிறமாயிருக்குமென்பர். நீலத்தாமரையு முண்டென்பர். இவற்றின் இதழ்கள் ஆயிரங்கொண்டவை சகஸ்ர பத்திரமெனவும், தூறிதழ்கொண்டவை சதபத்ரமெனவும் கூறுவர். இத்தாமரைகளின் நடுவிலுள்ள கொட்டைகளை மணிகளாகக் கொண்டு அணிவர். இவற்றின் கிழங்குகளை அவித்து உணவுப்பொருளாகக் கொள்வர். நீல நிறத்தாமரை அமெரிகாவிலிருந்து கொண்டு வரப்பட்டது. இது நீர்க்குள் வளர்ந்து பல பாகங்களில் பரவி வயல்களிலுஞ் சென்று தான் விருத்தியடைந்து பயிர் முதலியவைகளைக் கெடுத்தலால் இதனை இராஷஸ தாமரை யென்பர். இவ்வகையில் தென் அமெரிகாவிலுள்ள அமேசான் நதியைச் சார்ந்துள்ள ஓடைகளில் (30) அடி முதல் (40) அடி அகலமுள்ள இலைகளுள்ளதும், மலர் (2) அடி குறுக்களவும், (7) அடி சுற்றளவுள்ளதாகவும் உள்ள விக்டோரியா தாமரை என்பதுண்டென்பர். அதில் ஒரு குழந்தையை உட்காருவித்தால் தாங்கி நிற்கும் என்பர். இதன் காய்களின் வித்துக்களை அந்நாட்டினர் உணவாகக் கொள்கின்றனர்.

இது நீர்க்கரைகளிலும் நீருள்ள வயல்களிலும் வளரும் பூண்டு, இது நீரில் கரைத்த மஞ்சளைத் திரட்டித்தரும் ஆச்சரிய சக்தியுள்ளது. நெட்டி இது சிறு இலைகளையுடைய செடி. இது நீரிலிருந்தும் நீரைப்பற்றது. இலேசானது, இதனால் பிரதிமைகள் முதலிய செய்வர். கோரைவகை : சம்பங்கோரை, நெட் டிக்கோரை, கத்திக்கோரை, வாட்கோரை முதலிய. இவற்றின் இலைகள் புல் வகையில் பெரியவை. இவை வளர்ந்து பூவிடுந் தருணத்திலிடையில் தண்டுண்டாம். அத்தண்டுகளால் பாய்கூடாரம் முதலிய செய்வர். ஆப்பிரிகாவின் நயில் நதிக்கரையில் பாபிரஸ் எனும் ஒருவகை. அந்நாட் டார் ஒலைபோல் அதனைப்பிளந்து தங்கள் நூல்களை எழுதிப்படித்தனர் என்பர். அல்லி, தாமரை போன்ற சாதியாயினும் இதின் இலைகள் வாள் போன்ற விளிம்புடையன. இவற்றுள் வெள்ளல்லி, செவ்வல்லி, நீல அல்லி, ஆகாச அல்லி, சிற்நல்லி முதலிய, செங்கழுநீர் மிகச்செவந்து மணமுள்ள தாயிருக்கும். இதனை அரக்காம்பல் என்பர்.

திருமங்கையாழ்வாருக்கு மந்திரி,

இதனை டாபிர் என்பர். இது யானையைப்போல் உடலும், காலும் குறுகியும் தடித்தும் இருக்கும். இதற்கு மூக்கு யானையின் துதிக்கை போலச் சற்று நீண்டிருக்குமாயினும் யானையைப்போல் நீட்சியுடையதன்று. இது மிக்க வன்மைகொண்ட மிருகம், நீரில் வசிக்கப் பிரியமுள்ளது. இதற்குக் காய்கனி கிழங்குகளில் பிரியமதிகம். இதற்குச் சிவிங்கியே விரோதி. இச்சிவிங்கி இதன் மேல் பாய்கையிலிது விரைந்து ஓடி மரத்தில் பாய்ந்து. அதனைக் கீழே தள்ளிவிட்டு ஓடி விடும். இதன் தோல் தடித்திருப்பதால் முட்புதர்களுக்கு அஞ்சாது. இது சாதுவான மிருகம். கோபமூட்டப்படின் எதிரியின்மீது பாய்ந்து கொல்லும். இது (5, 6) அடி உயரமுள்ளது.

இவை ஜலத்தில் வாழ்வன. தற்கால நூதன ஆராய்ச்சியார் நீரில் பல லக்ஷக்கணக்கான பிராணிகள் இருக்கின்ரனவெனக் கூறுகின்றார். அவை பூச்சியினம், புழு இனம், விராட்டு இனம், சங்கு இனம், அசரையினம், விலாங்கு இனம், கெண்டையினம், வாளையினம், இறாலினம் எனப் பலவகைப்படும். இப்பிராணிகள் நீரில் அழுகிய பொருள்களைத் தமக்குப் பிறப்பிடமாகக் கொண்டுள்ளன. முதலில் இவைகளின் தோற்றம் வழுவழுப் புள்ள பொருளாய்க் காணப்படுகிறது. அவை அமீபா, பாக்டீரியா எனப்பிரிவுடையன. அமீபா வழுவழுப்புத் தோற்றவுற்பத்தி, பாக்டீரியா சிறு அணுக்களிடம் பிறப்பு. இவ்விருவகையும் காலதேச மாறுபாட்டால் பலவகை யுருப்பெறுகின்றன. ஜெல்லிமீன், இதை நாய்க்குடல் என்பர். இது உச்சியில் வழுவழுப்புடைய குடை போன்று அடியில் குடல்போல் தொங்கும் உறுப்புக்களையுடையது. இது தன்னிடம் தொங்கும் குடலுருவ மூலமாய்ப் பூச்களை உணவாகக் கொண்டு சிரத்திலுள்ள குடையுருவத்தை விரித்தும் குவித்தும் நீரில் நீந்திச்செல்லும், இதனைச் சொறி மீன் என்பர். இது மனிததேகத்திற் படில் அரிப்புண்டாம். இரவில் இதனிடம் வெளிறிய ஒளி உண்டு. இவ்வினத்தில் கடம்பான் (Octopus) என்பதும் ஒன்று. இவை கடல்களினடிப்பாகத்தில் வசிப்பவை. இவை கம்பி போன்ற கைகளால் பிராணிகளைச்சுருட்டி உணவாக்கும். முள்பலாச்சி (கடல், முட்பன்றி அல்லது கோளமீன்) (The Diodout) இது கிளிபோல் முகமும் மீன் போல் வாலும் செவுள் போல் காதும் உடைய கடற்பிராணி. இது தன் தேகத்தில் பலாக்காயின் முட்கள் போல் முட்களைப் பெற்றிருக்கிறது. இது, தன்னியற்கையி லுலாவுகையில் தன் தேகத்து முட்களைச் சுருக்கிக்கொள்ளும், தன் விரோதிகளைக் கண்டபோது உடம்பின் முட்களைச் சிலிர்த்துக்கொள்ளும். இதைக் கண்ட மற்றவை இதனை நெருங்கா. இது தன்னிடம் விஷமுள்ள மலத்தைப்பெற்று இருத்தலால் இதைக் கடலோடிகள் பிடிப்பதில்லை,

இதன் காலவரையறை இருப்பத்தொரு நாள், இது மிகவுஞ் சிறப்பாக உஞ்சை நகரத்தில் நடைபெற்றது. இந்த விழவு நடக்கும்போது தான் யூகியின் வேண்டுகோளால் வாசவதத்தையை உதயணன் பிடிமீதேற்றித் தன்னிடஞ் சென்றனன், இது துறைகொள்விழவு, புனல் விழவு, பொங்கு புனவ்விழவெனவும் வழங்கும். (பெ ~ கதை.)

மலையுச்சிகளில் உள்ள ஊற்றுகள் பெருக்கெடுத்து மலையிலிருந்து கிழே விழும். அதற்கு நீர்வீழ்ச்சி அல்லது ஆகாயகங்கை என்று பெயர், (பூகோளம்.)

வட அமெரிகா கண்டத் தில் (228) அடி உயரமுள்ள பாறைமீதிருந்து விழும் நயகார நீர்வீழ்ச்சி உலகநீர் வீழ்ச்சிகளில் பெரிது. தென் ஆப்பிரிகா கண்டத்தில் சாம்பசி நீர்வீழ்ச்சி. இது (400) அடிகளுக்கு மேலிருந்து விழுகிறது. இந்தியாவில் குற்றால நீர்வீழ்ச்சி.

இது வேளாளரை ஜைநர் கூறும் சொல். இவர்கள் சிவனடியவர்கள் காலத்து ஜைநர்களாக இருந்து சைவர்களாக மாறியவர்கள்.

இவர் பிறப்பால் வைதிகசைவரோ அல்லது சிவாசாரியரோ நன்றாகத் தெரியவில்லை. இவர் சைவபாஷ்யகாரர், சுவேதாசாரிய சுவாமிகளுக்கு மாணாக்கர். இவர் சைவசித்தாந்த புறமாகப் பிரமசூத்திர பாஷ்யம் அருளியவர். இவர் காலம் சங்கராசாரிய சுவாமி களுக்கு முற்காலம் என்பர். இவர் தமது பாஷ்யத்தால் தகரவுபாசனை அதிகமுள்ளவர் என்பது தெரிகிறது. இவர் இயற்றியவை பிரம்ம மீமாம்சா பாஷ்யம், சிவதத்வ ரஹஸ்யம், சிவலீலார்ணவம்.

இவர் வைதிகவேதியர், இவர் செய்தக்ரந்தங்கள், கலிலிடம்பனம், கங்காவதாணம், நளசரித்ரம், நீலகண்ட சம்பு, நீலகண்ட தீக்ஷிதீயம், வைராக்யசதகம், சாந்தி விலாசம், ஸபாரஞ்ஜனம்,

1. அச்சுவக்கிரீவன் தம்பி, 2. சிவகணத்தவன்,

செங்குட்டுவன் வஞ்சி நகரத்திலிருந்து இமயமலைக்குச் செல்லும் பொ ழுது இம்மலையில் தங்கியிருந்தான். (சிலப்பதிகாரம்.)

1 இவள், ஆவணநகாத்து நாதகுப்தனார் எனும் அருக சமயத்தாசிரியரை வென்றனள் எனக்கூறப்படுதலை உணர்ந்த சைநர் மிகச்சினந்து குண்டலகேசியையும் அவளுக்குபதேசித்த அருக்கசந்திரனையும் வாதில் வென்றதாகக் கூறிய நூல். இந்நூல் நீலகேசித் தெருட்டெனப்படும். இது குண்டல கேசிபோல் ஓர் பெண்ணின் செய்திகூறி அவள் பல சமயங்களை வென்றமை கூறுவது. இவள் கபிலவாஸ்துவில் புத்தரிடம் வாதிட்டவளாம். 2. காசியரசன் மகள், 3. மந்திரவரசன் மனைவி, (பெ. கதை) 4. விரிசிகையின் தாய்.

ஒரு தமிழ்ச்சைன நூல், இது சுகதநிர்ணயச் சருக்கமுதல் பத்துச் சருக்கம் அடங்கியது, வியந்தாரமங்கையாகிய நீலகேசி, பௌத்த முதலிய சமயங்க னைக் கண்டித்துச் சைநசமயத்தைத் தாபித்ததாகக் கூறப்பட்டது. இதற்கு நீலகேசி விருத்தி சமயதிவாகரம் எனும் ஒரு உரையும் உண்டு.

நீலன் குமரன். விந்திய தேசாதிபதி, விஜயனுடன் போரிட்டிறந்தவன்.

திருமங்கை யாழ்வாருக்கு ஒரு பெயர்,

1. குரோதகீர்த்தியின் குமாரன். 2. (சந்.) திடன் குமாரன். தாய் காளிந்தி. 3. திருமங்கையாழ்வாருக்குத் தந்தை. 4. சண்முகசேநா வீரன். 5. சுக்கிரீவன் சேனைத்தலைவன். அக்னியம்சம். பிரகத்தனைக் கொன்றவன். கும்பகர்ணனாற் சோர்ந்தவன். 6. அஜமீளன் குமரன். 7. வாகரத்தலைவன். 8. செங்குட்டுவனுடைய ஒற்றரிற்றலைவன், (சிலப்பதிகாரம்) 9. மாஹிஷ்மதியாசன். இவன் நித்தியாக்னி வளர்க்கையில் அக்னி ஜ்வலிக்காது நின்று இவனது பெண் சதர்சனை வந்து தொட்டகாலத்தில் ஜ்வலிக்கக்கண்டு நீலன் கோபமடைந்து சபிக்கப் போகையில் அக்கினி பிராமண உருக்கொண்டு எதிரில் வந்து தான் நீலன் குமரியிடம் ஆசை கொண்டிருப்பதைக் கூறி மணந்தனன். இவன் சகாதேவனிடம் யுத்தஞ்செய்து மாண்டான். விந்திய தேசாதிபதி என்பர். இவன் அக்கினியைத் தன் கோட்டைக்குக் காவலாக்கினன். (பார சபா) 10, இவன் சிவஞ்ஞானியென்று பெயர் பூண்டு தங்கையாகிய நவஞ்ஞானியின் மரணத்தால் தானும் மரணமடைந்து பேயுருப்பெற்றுத் திருவாலங்காட்டில் புரிசைக் கிழான் பேயெனநீக்க ஒரு வேலமாத்தில் இருந்தனன். ஊரார் அந்த வேலமரத்தை வெட்ட அந்தக் கோபத்தால் அவ்வழியாக இரத்தினசபாபதிக்கு நிவேதனங்கொண்டு சென்ற வேதியரை மோதினன். வேதியர் சிவமூர்த்தியிடம் முறையிட்டனர். சிவமூர்த்தி குண்டோதரனை ஏவி அப்பேயைக் கொலை செய்வித்தனர். 11, மாகிஷ்மதி பட்டணத்தரசன். இவன் மனைவியை அக்னி காவிற் புணரக் கருதினமை அறிந்து இவனக்னின சிறையிட்டவன். (சிவமகா புராணம்.)

சீதரனென்னும் அரசன் புத்திரி, இராகுலனுடைய தாய், அத்திபதியெனும் அரசன் மனைவி. (மணிமேகலை.)

1. இராமமூர்த்தி வில்லொடித்த சேதியைச் சீதைக்கறிவித்த தோழி. 2. சோணாட்டிலுள்ள ஒரு மலை,

அஷ்ட குலாசலங்களில் ஒன்று. மேருவிற்கு (5000) யோசனை அப்புறத்திலுள்ளது.

அசயக்காவன் தம்பி.

சிவன் அகோரத் தோற்றமாய்ப் பிரமனுக்கு அகோர மந்திரம் அருள்புரிந்த கற்பம்.

1 சிவன் திருநாமங்களில் ஒன்று. 2. வகாதசருத்திரருள் ஒருவன்,

இவன் சோழதேசத்துச் சசிவர்ணனாகிய வேதியன் குமரன். இவன் மகாபாதகனாய் ஒரு வேளாளன் குமரியுடன் கூடித் திருடிப்பிழைத்து ஊராரால் துரத்தப்பட்டுத் தன்னாடு விட்டுப் பாண்டிநாடு சென்று ஒரு வீட்டில் அன்னந்திருடித் தான் சித்து ஒரு வேதியனுக்கு அருத்திப் பாம்பு தீண்ட இறந்து வேதியனுக்கு அன்னமிட்டதால் நற்கதி அடைந்தான்.

இரண்யாக்ஷனைக் காண்க,

மயூரகண்டன் மனைவி.

சத்திபீடங்களில் ஒன்று.

1. இவள் முற்பிறப்பில் நவஞ்ஞா யென்னும் பார்ப்பினி, தன் கவணவன் தனையும் தன்குமாரனையும் கொலை செய்ததால் பழிக்குப் பழிவாங்கத் திருவாலங்காட்டில் புரிசைக்கிழாருக்குப் புத்திரியாகப் பிறந்து அவன் பேயென்று நீக்க அலைந்து திரிந்து தரிசன செட்டியாகப் பிறந்திருக்கும் தன் கணவனைக் கண்டு களித்து அவனைப் பலவாறு மயக்கிப் பழையனூர் வேளாளரிடம் முறையிட்டு அவர்கள் (70) பெயரையும் அவனுயிர்க்குப் பிணையாக இருக்க உடன்படுத்தினள். அவர்கள், அவ்வாறு பிணையிருப்பதாகச் செட்டிக்குக் கூறி அவனுடன் இருக்கும்படி உடன்படுத்தினர். இவள் அவனிடமிருந்த மந்திரவாளை நீக்கச்செய்து அவனுடனிருந்து அவனைக் கொலை புரிந்து மீண்டும் செட்டியின் தாய்போல் வந்து வேளாளர் (69) பெயரையும் தீயில் முழு கச் செய்வித்து மிகுந்த ஒருவன் போயிருந்த கழனியிடம் அவன் மகள் போற் சென்று நடந்த செய்தி கூறிப் பழிவாங்கினன். வேலமரத்திலிருந்த அண்ணன் இறந்ததற்கு ஊரார் வெட்டிய வேலமாம் காரணமாதலால் ஊரார் எழுபது பெயமாயும் பழிவாங்கினன். 2. சங்கமவின் என்னும் வைசியன் மனைவி. கோவலன் கொலையுண்டிறக்க முற்பிறப்பில் அவனைச் சபித்தவள். (சிலப்பதிகாரம்,) 3. அஜமேடன் தேவி. இவள் புத்திரர் துஷ்யந்தன், பரமேஷ்டி முதலானவர்கள்.

கும்பன் பெண், கிருஷ்ணன் தேவி.

அசமீடனுக்கு நளனியிடம் உதித்த குமரன், இவன் குமரன் சாந்தி.

விஷ்ணு மூர்த்தியின் சத்தி.

இவர் ஒரு வேதியர். துக்காராம் எனும் பக்தருக்குச் சீடர், இவர் அரிகீர்த்தனை செய்துகொண்டு பிக்ஷை செய்து மனைவியுடன் வாழ்ந்து வருநாளில் தம் குமரிக்கு மணநாள் நெருங்கியது கண்டு வருந்தப் பெருமாள் ஒரு விருத்த வேதியராய் வந்து தமக்கு அன்னமிடும்படி தாம் கொண்டுவந்த சிறிது அமுதைச் சமைப் பதில் கூடப்போட்டுச் சமைக்கச் செய்து பெருமாளுக்கு நிவேதனஞ் செய்வித்து அதை அவர்கள் அளிக்கவுண்டு நீளோபாவை நோக்கி நாளை உன்குமரியின் திருமணமாதலின் அதனில் நானும் உண்டு களித்திருக்க வெண்ணுகிறேனெனக் கேட்டு, அவ்வகை இருந்து அம்மணத்திற்கு வேண் டிய எல்லா மடைத்தொழில் முற்றும் தாமே செய்தும் உண்ட பரிகல முதலியவற்றைத் தாமே புறத்திட்டு மணந்தீர்ந்த பின் நீளோபா சுற்றத்தினர்க்கு வேஷ்டி முதலிய கொடுக்கையில் இவ்வேதியர்க்கும் ஒரு வேஷ்டி தர விடோபா, விடோபா, என்று அவர் கூறிய பெயரிட்டழைக்க மறைந்தது கண்டு, இவ்வாறு நம்மிடம் வந்தோன் கண்ணன் என்று வருந்துகையில் பெருமாள் கனவிடைத்தோன்றி உன் அன்பினை உலகறிய வந்தேனென்று தரிசனந்தந்து ஆசீர்வதித்து மறைந்தனர்.

திருதராட்டிரன் குமரன்.